कल्पनेत तुझिया

 

 

 

 

एक प्याला तुझ्या प्रेमाचा नशेत ज्याच्या डुबून जावं 

नवजात जणू कळी प्रमाणे कुशीत तुझ्या फुलून यावं 

कातिल तुझ्या नजरेच्या कटाक्षातुनी घायाळ व्हावं 

सरता सरता ओठांच्या पाकळ्यांवरती विलीन व्हावं 

चंचल तुझ्या आठवणींच्या रथात मन स्वैर व्हावं 

रंगांत तुझ्या प्रीतीच्या आतुर मन चिंब भिजावं 

विसरून अवघ्या सत्याला कल्पनेत तुझिया हरवून जावं 

भुलवून साऱ्या बंधनांना तुझ्यात मजला सामावून घ्यावं