तुझ्या वाढदिवसाचा केक
बघ, हा मी साकारते आहे
साखरेसोबत शुभ्र मावा आला
आणि प्रयत्न आता होतोय साकार
उबदार मायेचा स्पर्श झाला
आणि जन्म घेई एक आकार
सर्वांच्या स्नेहाचा रंग गुलाबी
अन आनंदाचा रंग तो पिवळा
त्यात दिसे तुझ्या स्वप्नांची छबी
पहा, आहे कि नाही केक भारीच निराळा
शुभेच्छांच्या क्रीमची नाजूक झालर
मेणबत्तीवर डोलते आशीर्वादाची ज्योत
या प्रकाशात तेजाळते केकची सुंदर किनार
जसा हसऱ्या चेहऱ्यावर आहे एक प्रकाशी झोत
तुझ्या सुंदर नावाच्या शब्दाची चॉकलेटी नक्षी
सोबत लालचुटुक चेरीची करामत जादुई
Happy Birthday देखणे पहा नटलेले पक्षी
केक कापायला आता नको करू जास्त घाई
- रुपाली ठोंबरे
No comments:
Post a Comment