स्वप्नपाकळी
( प्रत्येकाचे एक सुंदर स्वप्न असते जे नयनरुपी पाकळीत वर्षानुवर्षे आपण बाळगत असतो.
ते स्वप्न पुर्ण करण्याचा प्रयत्न करताना अनेकदा अपयशाचाही सामना करावा लागतो.
पण तीव्र इच्छा असेल तर तुटून न जाता स्वप्नपूर्तीचा ध्यासच मनात असावा.
असेच एक स्वप्न……)
( प्रत्येकाचे एक सुंदर स्वप्न असते जे नयनरुपी पाकळीत वर्षानुवर्षे आपण बाळगत असतो.
ते स्वप्न पुर्ण करण्याचा प्रयत्न करताना अनेकदा अपयशाचाही सामना करावा लागतो.
पण तीव्र इच्छा असेल तर तुटून न जाता स्वप्नपूर्तीचा ध्यासच मनात असावा.
असेच एक स्वप्न……)
इवल्याशा पाकळीत दडले स्वप्नविश्व माझे ।
कुणास ठाऊक, कधी होईल हे भविष्य माझे ।।
घरकूल असावे सुंदर,इवलेसे परि मंगल ।
हे असावे प्रेमसागर ,नसावी रिकामी घागर ।।
नाही भांडण नाही बंधन, असावे हे शांतीसदन ।
शुभसकाळी करुनि वंदन, सुदिनाला होतसे प्रारंभ ।।
सुख-दुःखाला असे थारा, कुटुंब माझे संसार सारा ।
नाही चढतसे कधी पारा, सदा वाहती प्रेमधारा ।।
नसे प्रेमापासून पारखा, हा जीव जिव्हाळ्याचा ।
सखी माझी आशा-निराशा,जन्म देते नवस्वप्नाला ।।
यशापयश नाचते अंगणी, लुकलुकते मी चांदणी ।
बनुनि कधी मंद तर कधी तेजस्विनी ।।
तेलावाचून विझणारी ज्योती नजरेस पडली ।
अन जगी प्रकाश अर्पाया सुदैवी ठरली ।।
नाजूकसाजूक नयनपाकळ्या परी, स्वप्न विशाल गड्या।
म्हणुनि पाहुनि या जगा, नसे याला आसरा ।।
म्हणुनि ओघळले हे गालांवरुनी बनुनि अश्रुधारा ।
संपताच ही वर्षा, सज्ज झाले सहण्यास वैशाख-वणवा ।।
- रुपाली ठोंबरे
No comments:
Post a Comment