Tuesday, January 23, 2018

हस्ताक्षरे


उभ्या रेषा... आडव्या रेषा... तिरप्या रेषा 
वलयांच्या वळणांच्या अनेक दिशा 
या वक्राकार दिशा आणि रेषांची कार्यरेषा मात्र एकच
अक्षरांना घडवण्याची...आणि त्यातून संस्कार घडवण्याची 

लिपी निराळी...संस्कृती निराळी... भाषा निराळी 
प्रत्येकाच्या लेखणीतील ढब आगळी 
या लेखणीची आणि विविधतेची आकांक्षा मात्र एकच 
संवादांना योजण्याची... आणि त्यातून नाती घडवण्याची 

सुंदर अक्षरे...शुद्ध अक्षरे...सोज्वळ अक्षरे 
मनाचा आरसाच जणू ही हस्ताक्षरे 
या अक्षरांची आणि भावनांची अभिलाषा मात्र एकच 
विचारांना मांडण्याची...आणि त्यातून माणूस घडवण्याची

जागतिक हस्ताक्षर दिनाच्या खूप खूप शुभेच्छा. 
सुंदर वाचा... शुद्ध विचार करा... स्वतःच्या अक्षरांत स्वतःचे शब्द लिहा...

वाचा : जागतिक हस्ताक्षर दिन

                                                                                      - रुपाली ठोंबरे.


2 comments:

Blogs I follow :