Wednesday, October 14, 2015

देवी ब्रम्ह्चारिणी

नवरात्राच्या दुसर्‍या दिवशी या मातेची पूजा केली जाते. या‍ दिवशी साधकाचे मन 'स्वाधिष्ठान' चक्रात स्थिर होते. या चक्रात मन स्थिर करणार्‍याला तिची कृपा आणि भक्ती प्राप्त होतेनवशक्तीपैकी 'ब्रम्हचारिणी' हे दुर्गेच्या दुसरे रूप आहे. येथे 'ब्रह्म' या शब्दाचा अर्थ तपस्या आहे. ब्रम्हाचारिणी म्हणजे तपाचे आचरण करणारी.ब्रह्मचारिणी भक्तांना अनंत फळे देणारी आहे. तिची उपासना केल्याने मनुष्याच्या तप, त्याग, वैराग्य आणि संयमात वाढ होते. देवीच्या कृपेने मानवाला सर्वत्र विजय आणि सिद्धी प्राप्त होते.

दधाना करपदमाभ्यामक्षमालाकमंडलू।

देवी प्रसिदतु मयि ब्रम्हाचारिण्यनुमत्तमा।।



 

 ऐकून व्रत नारद मुखे
 हिमकन्या सुरु करतसे
 व्रत दीर्घ उपासाचे

मिळवण्यास शिवशंकर
सदा पती म्हणुनी
तप कठोर सुरु तिचे

 भक्षून फळे, बेलपत्रे
ऊनपावसातही हजारो वर्षे
न डळमळले धैर्य तिचे

तपस्येत ती ब्राम्हचारिणी
शुष्क बेलपत्रेही त्यागून पुढे
नाम "अपर्णा" जाहले तिचे

उमेची महती पसरली त्रिलोकी
देवीदेवतांच्या प्रशंसेत
न्हाले  अनोखे व्रत तिचे

"उमे, जा घरी तू ,होतील इच्छा पूर्ण
भावी पती शिव येईल घ्यावया तुज"
धन्य ती  उमा ऐकून बोल हे ब्रम्हाचे 

हीच भव्य देखणी ब्रम्ह्चारिणी
घेऊन हस्ती जपमाळा, कमंडलू
कृपाभक्ती देत उभे, रूप दुसरे हे दुर्गेचे

- रुपाली ठोंबरे










आभार  : http://mannmajhe.blogspot.in/


2 comments:

  1. Wa Wah! Khupach chhan...its a addition of knowledge in a poetic way. Super!! Awaiting more such posts in Navratri. Happy Navratri!

    ReplyDelete

Blogs I follow :