( वाढदिवसाच्या शुभेच्छा.....गोजिऱ्या पाखरासाठी )
तुझ्या इवल्याशा पावलाने
आजच्याच दिवशी
या अंगणात
सुखांचा सडा शिंपला होता
तुझ्या इवल्याशा हातात
आजच्याच दिवशी
माझी करांगुली
प्रेमाचे बंधन गुंफत होती
तुझ्या किलकिलणाऱ्या डोळ्यांनी
आजच्याच दिवशी
तू आईबाबांना तुझ्या
मन भरून हसताना पाहिले होते
तुझ्या नाजूक स्पर्शात
आजच्याच दिवशी
आपल्या कुटुंबाला
नवे खोडकर नाते गवसले होते
आज इतक्या वर्षांनी
आजच्याच दिवशी
तुला शुभेच्छा देताना
नवजात तू,नकळत आठवणींत येतो
तेव्हापासून प्रत्येक वर्षी
आजच्याच दिवशी
माझा आशीर्वादाचा हात
नकळत तुझ्या मस्तकी टेकतो
- रुपाली ठोंबरे.
Chhan sundar lihili ahe kavita ..
ReplyDeleteOmg.... This poem touches my heart, as though my mom herself is reciting it for me.... 7 November is my Birth-date too... and my heart fills with warmth as I read this endearing, enticing string of words... Thanks Rupali... My love and blessings to your bundle of joy...
ReplyDelete