लग्नशुभेच्छा … दादा आणि वाहिनीसाठी ।

" आज तुमच्या जीवनातील 

एक अनमोल दिवस 

स्वप्नांतून सत्यात उतरणारा 

एक शानदार दिवस "

 

शहनाईच्या सूरांत ,

अन पुष्पांच्या सहवासात ,

पार पडणारा हा शुभदिन 

यावा तुम्हां उभयतांच्या जीवनी सतत ।

दोन पुष्पांचे हे मिलन,

एक नाजूक विवाहबंधन ,

आज बांधले म्हणून ,

सुखी राहावी ही मनांची गुंफण ।

या पुष्पांच्या परिमळाने ,

सुख-दुःखांच्या संगतीने ,

एकमेकांवरच्या प्रीतीने ,

उजळावे सोनेरी भविष्याने ।

हीच सुंदर , गोड शुभेच्छा ,

आजच्या आनंदमयी सुदिनी ,

दादा-वहिनी, तुम्हां देण्याची इच्छा ,

आहे या छोट्या बहिणीच्या मनी ।

- रुपाली ठोंबरे .