देवी कुष्मांडा

दुर्गेच्या चौथ्या रूपाचे नाव 'कुष्मांडा' आहे. आपल्या स्मित हास्यामुळे ब्रह्मांड उत्पन्न केल्यामुळे या देवीला कुष्मांडा देवी असे म्हटले जाते.नवरात्रीच्या चौथ्या दिवशी या देवीची पूजा केली जाते. या दिवशी साधकाचे मन 'अदाहत' चक्रात स्थिर झालेले असते. या दिवशी अत्यंत पवित्र आणि अचंचल मनाने कुष्मांडा देवीला समोर ठेवून पूजा-उपासना केली पाहिजे.

सुरासम्पूर्णकलशं रूधिराप्लुतमेंव च।

दधाना हस्तपदमाभ्यां कुष्माण्डा शुभदास्तु में।।

 स्मित हास्याने तिने निर्मिले ब्रम्हान्डा

 चौथ्या रुपात जन्मली तू आद्यशक्ती कुष्मांडा

 सुर्यसम दिव्य तेज तुझे सौरमंडळी नीत वसे

 दशदिशांत-सर्वत्र  तव कृपातेज क्षणोक्षणी दिसे

कमळ मनोहर-अमृतकलश-धनुर्बाण-चक्र-गदा हस्ते

जपमाळा-कमंडलू घेऊनी हाती अष्टभूजा सिंहावरी विराजते

देवी कुष्मांडा,उपासना तुझी दूर करी भक्तांची व्याधी

प्रसन्न ती भक्तावरी, अचंचल मनाची पवित्र पूजा जरी साधी

भक्ती तुझी देई यश-शक्ती-आयुष्य-आरोग्य वृद्धी

शरण तुज आले मी, ये घरा, घेऊन शांती-सुख-समृद्धी

- रुपाली ठोंबरे

प्रस्तावनेसाठी आभार  : http://mannmajhe.blogspot.in/