एक कलाकार...स्वप्नदर्शी
स्वप्नांना हकिकतेत अचूक उतरवणारा
कल्पनांचे मनोरे जगासमोर उभारणारा
मनामनांचे गुपित जाणून सहज मांडणारा
कुंचल्यांच्या स्पर्शांनी रंग रंग उधळणारा
रेघा-बिंदू-ऊन-सावलींशी मनसोक्त खेळणारा
कलाकृतीने आपुल्या जग दंग-बेधुंद करणारा
अगदी शुन्यालाही या जगी मूल्य बहाल करणारा
उघड्या डोळ्यांना कल्पनेपलीकडचेही दाखवणारा
मनाच्या झरोक्यातून कल्पनांच्या कवडश्याना
कोऱ्या कागदावर उमटवणारा... एक जादूगार
- रुपाली ठोंबरे. 
No comments:
Post a Comment